Taldyqorǵanda stýdentterdiń festıvali bastaldy

TALDYQORǴAN. QazAqparat - Taldyqorǵanda «Meniń Qazaqstanym: Stýdenttik kóktem-2019» atty jastardyń festıvali bastaldy. Sharanyń ashylý saltanatyna óńirdegi joǵary jáne arnaýly oqý oryndarynan 500-den asta stýdent qatysty, dep habarlaıdy QazAqparat tilshisi.

Festıvaldi jastar jyly aıasynda Іlııas Jansúgirov atyndaǵy Jetisý memlekettik ýnıversıteti men Almaty oblystyq jastar saıasaty basqarmasy uıymdastyrdy.

Saltanatty sharany atalǵan ýnıversıtettiń rektory Qýat Baımyrzaev ashyp, basqosýdyń mańyzdylyǵy men mánine toqtaldy. Belsendi jastarǵa sáttilik tilep, festıval barysyndaǵy baıqaýlarda oza shabýǵa tilek bildirdi. Jetisý jerinde alǵash uıymdastyrylyp otyrǵan sharanyń maqsaty - jastardyń qoǵamdaǵy belsendiligin arttyryp, shyǵarmashylyq sheberligin shyńdap, daryndy stýdentterge qoldaý kórsetý. Baıqaýda stýdentter tórt baǵyt boıynsha baqtaryn synaıdy. ıAǵnı, «Otanym - Atamekenim!» patrıottyq ánder konkýrsyna qatysyp, «Ushqyr oıly Jetisýlyq jastar» atty pikir-saıys týrnırinde til baılyǵyn baıqap, «Jaıdarly jastar» jaıdarman oıynynda tapqyrlyǵyn ózara sarapqa salyp, sport alańynda fýtboldan baq synaıdy.

«Meniń Qazaqstanym: stýdenttik kóktem-2019» atty oblystyq stýdent-jastar festıvali 30 mamyr kúni keshke «Jastar» mádenı-demalys saıabaǵynda aıaqtalady.

Shara estrada juldyzdarynyń qatysýmen ótetin Gala kontsertke ulasyp, jeńimpazdar marapattalady.