Taldyqorǵanda stýdentterdi qaryzǵa batyrdy degen aıyppen jataqhana komendanty sottalyp jatyr

TALDYQORǴAN. QazAqparat – Taldyqorǵanda stýdentterdi 24 mıllıon teńgeden asa qaryzǵa batyrdy degen aıyppen jataqhana komendanty sottalyp jatyr, dep habarlaıdy QazAqparat tilshisi.

Málim etilgendeı, 42 jastaǵy aıyptalýshy stýdentterge zattaı da, aqshalaı da nesıe aldyrtqan. Іs boıynsha 16 adam qaryzǵa belshesinen batqan. Olarǵa óz attaryna qymbat uıaly telefondar, mıkroqarjy uıymdarynan aqsha rásimdetkizgen. Jábirlenýshiler arasynda tek stýdentter ǵana emes, jataqhananyń eden jýýshysy, santehnık syndy qarapaıym jumysshylary da bar.

Sottalýshy Taldyqorǵandaǵy Іlııas Jansúgirov atyndaǵy Jetisý ýnıversıtetiniń jataqhanasynda jumys istegen. Oǵan «Alaıaqtyq» baby boıynsha aıyp taǵylyp otyr. Búgin alǵashqy protsess Taldyqorǵan sotynda bastaldy. Prokýror aıyptaý aktisin jarty saǵattan asa oqydy. Sotqa qatysýshy stýdentter túsirilim jasaýǵa qarsylyq bildirdi.