Taldyqorǵanda «Rýhanı jańǵyrý» ortalyǵy ashyldy

TALDYQORǴAN. QazAqparat - Taldyqorǵandaǵy «Jastar» saıabaǵynda «Rýhanı jańǵyrý» ortalyǵy ashyldy. Jańa nysannyń basty maqsaty Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyndaǵy barlyq baǵyttardy júıeleý, dep habarlaıdy  QazAqparat tilshisi.

Kıiz úı tárizdes salynǵan ǵımarat ishinde mýzeı, májilis zaly jáne jumys keńseleri ornalasqan. Ortalyq qyzmetkerleri óńirdiń kıeli jerlerin túgendep, tyń derekter jınap, týǵan jerge týyn tikken azamattar týraly málimetterdi tolyqtyratyn bolady. Sondaı-aq bul jerde ǵalymdar, aqyn-jazýshylar, til mamandary bas qosyp, pikir almasyp, jańa jobalarymen bólisip otyrý kózdelgen. «Rýhanı jańǵyrý» ortalyǵyn basqarý jumysyn Almaty oblystyq Qazaqstan halqy Assambleıasy júrgizedi.