Taldyqorǵanda polıtsııa leıtenantyn aqtyq saparǵa shyǵaryp saldy
«Almaty oblysy Polıtsııa departamenti qańtar aıynda bolǵan oqıǵa saldarynan qyzmettik boryshyn atqarý kezinde qaza tapqan ishki ister jáne ulttyq qaýipsizdik organdary qyzmetkerleriniń otbasylaryna, týǵan-týystary men jaqyndarynyń qaıǵysyna ortaqtasyp, kóńil aıtady. Ókinishke oraı, olardyń arasynda bizdiń eki áriptesimiz bar. Jedel áreket etý arnaıy jasaǵynyń ınspektory Darhan Barǵanaev pen ádilet praporşıgi Erbol Erjanov quqyqtyq tártipti qorǵaýdaǵy qyzmettik mindetterin oryndaý barysynda ómirin qurban etip, el aldynda bergen antyna adal ekenderin dáleldedi»,- delingen Almaty oblystyq Polıtsııa departamenti baspasóz qyzmetiniń habarlamasynda.
Ádilet praporşıgi Erbol Erjanov ishki ister organdaryna 1999 jyly kelip, osy kezge deıin abyroımen qyzmet atqardy. Jas qyzmetkerlerge tálimger boldy.
«Ol eki bala tárbıelep ósirgen ardaqty áke, antyna adal, úlgi tutarlyq qyzmetker boldy.
Polıtsııa leıtenanty Darhan Barǵanaev ishki ister organdaryna 2011 jyly qyzmetke kelgen. Qyzmet atqarý kezinde ol únemi óziniń kásibı sheberligin arttyryp, qaýipsizdikti jaqsartýǵa umtyldy.
Erlikpen qaza tapqan eki qyzmetker de qaıtys bolǵannan keıin QR Prezıdentiniń Jarlyǵymen «Aıbyn« ordenimen marapattaldy»,- dep tolyqtyrdy atalǵan vedomstvonyń baspasóz qyzmetinen.