Taldyqorǵanda perzenthanada jatqan 92 ana saılaýda daýys berdi
Bul jerde jyljymaly ýchastok bolǵandyqtan, 2 saǵat ishinde perzanthanadaǵylar tolyq daýys berip úlgerdi. Arasynda alǵash ret saılaýǵa qatysyp otyrǵandary da bar. Sonyń biri - Nargız Maratqyzy. Tuńǵyshyn baýyryna basqan kelinshek jaqynda 18-ge tolǵan. Úshtóbelik jas ana elimizdiń bolashaǵy úshin óz tańdaýyn jasaǵanyn aıtady. Al oblystyq perınataldyq ortalyqtyń dırektory Qanat Qalıhanulynyń aıtýynsha, perzenthanada jatqan analardyń 100% tolyq daýys bergen. Jalpy Taldyqorǵan qalasy boıynsha barlyq emdeý mekemelerinde daýys berý protsesi júrgizildi. Solardyń qatarynda shahardaǵy kópsalaly aýrýhana da bar. Bul №1012-shi saılaý ýchaskesinde 210 adam tirkelgen. Munda aýrýhanada jatqan emdelýshilerdiń kedergisiz daýys berýine barlyq jaǵdaı jasalǵan. Sonymen qatar, júrip turýy qıyn naýqastarǵa da erekshe kóńil bólinip otyr. Olar úshin jyljymaly saılaý jáshigi qarastyrylǵan. Baqylaýshylar da eshqandaı zańbuzýshylyqtyń bolmaǵandyǵyn, barlyq talaptardyń saqtalǵandyǵyn jetkizdi.
Aıta keteıik, Almaty oblysynda turatyn 2 mln halyqtyń 1 mln 400 myńy saılaýǵa qatysýǵa quqyly. Óńirde 1040 saılaý ýchaskesi bar. Ol jerde prezıdenttikke úmitkerlerdiń 2100-den astam senimdi ókili men shetelden kelgen baıqaýshylar saılaý barysyn qadaǵalap otyr. Jalpy oblysta 700-den astam eldi-meken bar.