Taldyqorǵanda páterlerdiń birinde ornalasqan esirtki satý núktesi joıyldy

ASTANA. QazAqparat – Taldyqorǵanda páterlerdiń birinde ornalasqan esirtki satý núktesi joıyldy, dep habarlaıdy QazAqparat polisia.kz telegram kanalyna silteme jasap.

Taldyqorǵan qalasynyń 45 jastaǵy turǵyny ustaldy. Ol «Bolashaq» shaǵyn aýdanyndaǵy óziniń páterin esirtki satatyn orynǵa aınaldyrǵan.

Kúdiktiniń ustaý operatsııasyna Ulttyq Ulan sarbazdary men kınologter tartyldy. Er adam shamamen 14 gramm marıhýanany satý kezinde ustaldy. Al, onyń turǵylyqty jerinen sıntetıkalyq esirtkige jatatyn 83 gramm «Pırrolıdın» tabyldy. Sonymen qatar, tintý kezinde polıtseıler atys jáne travmatıkalyq qarýdyń oq-dárilerin tapty.

Qylmystyq tergeý amaldary bastaldy. Ustalǵan adam qamaýǵa alyndy.