Taldyqorǵanda oqýshymen janjaldasqan muǵalim qyzmetinen ketti

TALDYQORǴAN. QazAqparat – Taldyqorǵandaǵy orta mektepterdiń birinde muǵalim men oqýshy janjaldasyp, aqyry oqytýshy jumysynan ketti, - dep habarlaıdy QazAqparat tilshisi.

Oqıǵa 11 sáýir kúni qaladaǵy №6 mektepte bolǵan. Aǵylshyn páni muǵalimi men 8-synyp oqýshysy bir-birine daýys kóterip, tipti qol jumsaýǵa deıin barady. Synyptaǵy taqtanyń aldynda bolǵan keleńsiz jaıttyń vıdeosy áleýmettik jelide tarady.

«Ustaz ben oqýshy arasynda bolǵan jaǵdaıdan keıin ádep jónindegi keńes ótti. Oǵan oqýshynyń anasy shaqyryldy. Keńes barysynda taraptar tatýlasyp, bir-birine eshqandaı kiná artpaıtynyn aıtty»

, - dep habarlady Almaty oblystyq bilim basqarmasy.

Alaıda, osydan keıin muǵalim óz erkimen jumystan ketken. Bilim basqarmasynyń habarlaýynsha, «ol aryzynda aqpan aıynan beri densaýlyǵy nasharlap júrgenin» jazypty.

Aıta keteıik, Atyraýda oqýshynyń soqqyǵa jyǵylǵanyn habarlamaǵan mektep dırektory jazalanǵan bolatyn.