Taldyqorǵanda naýqastar aýrýhananyń sýyq ekenin aıtyp shaǵymdandy
Taldyqorǵannyń jylý júıesinde apat bolyp, 85 turǵyn úı men 12 áleýmettik nysan jylýdan óshirildi.
Qazir qaıta jylý júıesi iske qaıta qosylǵanymen turǵyndar men aýrýhanada jatqan naýqastar nysandardyń sýyqtyǵyna shaǵymdanyp jatyr.
Oblystyq turǵyn úı kommýnaldyq sharýashylyq basqarmasy basshysynyń orynbasary turǵyndardyń shaǵymyn joqqa shyǵarmady.
Ol qaıta qosylǵan qubyrlarda aýa paıda bolyp, sol sebepti jylý durys júrmeı jatqanyn túsindirdi.
«Taldyqorǵandaǵy Jeltoqsan kóshesindegi 286-shy nysannyń boıynda ornalasqan qubyrda jyryq paıda bolyp, ony jóndeý úshin qalada jylý berý toqtatyldy. 11 qarasha tańǵy saǵat 09:40 kezinde óshirildi. Apattyq nysanda on saǵat boıy jumys júrgizildi. Jumys aıaqtalǵannan keıin júıe sýǵa toltyrylyp, qazandyqtar qaıta qosylyp, jylý berildi. Qazir barlyq jerde jylý bar. Biraq qubyrlarda aýa paıda bolǵan. Sol sebepti jylý durys júrmeı jatyr. Qazir aýa qubyrdan shyǵarylyp jatyr. Bul jumys búgin aıaqtalady dep josparlap otyrmyz», - dedi Jetisý oblystyq energetıkalyq jáne turǵyn-úı kommýnaldyq sharýashylyq basqarmasy basshysynyń orynbasary Danııar Iskakov.