Taldyqorǵanda memlekettik qyzmetshiler til baıqaýynda baq synasty

TALDYQORǴAN. QazAqparat - Taldyqorǵanda «Memlekettik til - memlekettik qyzmette» atty baıqaý uıymdastyryldy. Sharada qalalyq ákimdiktiń ár salasy boıynsha úsh mamannan quralǵan «Apparat-2050-ge aparady», «Jalyn», «Máńgilik til», « EKSPO», eki aýyldyq okrýgtiń «Erkin» jáne «Ótenaı qyrandary» toptary ózara baq synasty, dep habarlaıdy QazAqparat tilshisi.

Baıqaý sálemdesýden bastaldy. Odan keıin qatysýshylar «Jer-sýdyń aty - tarıhtyń haty» kezeńinde tanymal jerlerdiń sýretine qarap, onyń ataýyn anyqtap, tarıhyna toqtaldy. Tapsyrmanyń «Qazaq sózi» de ońaı bolmady, qanatty sózderdi aıaqtaý usynyldy. Al «Máńgilik el - Mártebeli til» bóliminde komandalar sahnalandyrylǵan mýzykalyq qoıylymdardy kórsetti. 

 

Saıys qorytyndysy boıynsha birinshi oryndy áleýmettik sala bólimderinen shyqqan «EKSPO» komandasy ıelense, ekinshi oryndy qala ákimi apparatynyń «Apparat 250-ge aparady» komandasy qanjyǵalady. 3-oryndy Erkin aýyldyq okrýgi ákimdiginiń komandasy jeńip aldy.

 

Qatysýshylardy alda kele jatqan QR Memlekettik qyzmetkerleri kúnimen  Memlekettik qyzmet isteri agenttiginiń Almaty oblysy boıynsha departamentiniń basshysy Serikbaı Nurǵısaev quttyqtap, aldaǵy jyldary bul baıqaýdy budan da bıik dárejede ótkizýge tilektestik bildirdi.