Taldyqorǵanda QR Táýelsizdiginiń 25 jyldyǵyna arnalǵan saltanatty forým ótti
Qazaq eliniń damýyna, óńirdiń órkendeýine eńbegimen úles qosqan azamattarǵa «Parasat», «Qurmet» ordenderi, «Eren eńbegi úshin», «Shapaǵat» medaldary berildi. Sondaı-aq «Qazaqstan Respýblıkasynyń Táýelsizdigine 25 jyl» merekelik medali jáne QR Qurmet gramotalary tapsyryldy. Marapattardy oblys ákimi Amandyq Batalov tapsyrsa, QR Bilim jáne ǵylym mınıstri Erlan Saǵadıev Elbasy atynan óńir basshysynyń keýdesine merekelik medal taqty.
Marapattalǵandar qatarynda memlekettik qyzmetshiler, aýyl sharýashylyǵy eńbekkerleri, kásipkerler, ustazdar men dárigerler barlyǵy 130-ǵa jýyq adam bar. Jeke toqtalar bolsaq, «Parasat» ordeni Qarasaı aýdanynyń ákimi Mahabbat Bıgeldıev pen «BN-ınvest» kompanııasynyń prezıdenti Bolat Nazarbaevqa tapsyryldy. Kóksý qant zaýytynyń dırektory Altynbek Abatov «Qurmet» ordeniniń ıegeri atandy. «Sarybulaq» kompanııasynyń basshysy Jeńis Smaıylov, «Ólke tynysy» JShS dırektory, Qazaqstannyń qurmetti jýrnalısi Meıram Janádilov pen belgili jýrnalıst Almaty oblystyq «Jetisý» telearnasynyń Bas dırektory Beısen Quranbek «Eren eńbegi úshin» medalin aldy. Al 600-den astam balany baýyryna basqan Tuıaq Esqojınaǵa «Shapaǵat» medali berildi.
Saltanatty jıynda tuńǵysh ret 3D formatta grafıkalyq shoý kórsetildi. Arnaıy qoıylymda kóne dáýirden bergi qazaq eliniń damýy kórinis aldy. Merekelik shara qazaq estradasy juldyzdarynyń gala-kontsertimen aıaqtaldy.