Taldyqorǵanda qańtarda búlingen ákimdik pen polıtsııa ǵımaraty áli jóndelip bitken joq

TALDYQORǴAN. QazAqparat - Taldyqorǵanda qańtar oqıǵasy kezinde búlingen ǵımarattardy qalpyna keltirý jumysy ýaqytynda aıaqtalmady. Máselen, oblystyq ákimdik ǵımaraty 31 qyrkúıekte, al qalalyq polıtsııanyń mekemesi 31 tamyzda aıaqtalýy tıis bolǵan, - dep habarlaıdy QazAqparat tilshisi.

Qazir oblystyq ákimdik ǵımaratyn qalpyna keltirýge 5 mlrd 850 mln teńge qarjy bólingen.

Al nysandaǵy juymstardy Almatynyń «Tehnosnab -2002» dep atalatyn mergiger kompanııasy júrgizip jatyr.

Al Jetisý oblysyndaǵy qurylys basqarmasynyń bastyǵy oblys ákimdigi ǵımaratyn qalpyna keltirý jumysynyń tek 45 paıyzy ǵana aıaqtalǵan deıdi.

Oblys ekige bólingendikten qarjy der kezinde túspegen, merdiger nysandy ýaqtyly tapsyryp úlgermedi, sondyqtan olarǵa eshqandaı shara qoldanylmaıdy.

«Biz merdiger kompanııaǵa shara qoldana almaımyz, nege deseńizder, bulardyń kinási joq. Memlekettik saraptamanyń kesh shyqqanyna baılanysty jumystar der kezinde bastalmady. Jetisý oblysynyń ákimi Beıbit Óksikbaıuly nysandy 25 qarashaǵa deıin qosýǵa ýaqyt berdi. Sondyqtan merdiger de, biz de jumys jasap jatyrmyz. 25 qarashaǵa deıin aıaqtaımyz dep oılaımyn», - dedi Jetisý oblystyq qurylys basqarmasynyń basshysy Temirlan Bektasov.