Taldyqorǵanda Halyq qaharmany Ǵazız Baıtasovqa arnalǵan memorıal ashyldy

TALDYQORǴAN. QazAqparat - Bıyl Taldyqorǵan qalasynda Qazaqstan polıtsııasy kúnine oraı Qazaqstannyń Halyq qaharmany Ǵazız Baıtasovqa arnalǵan memorıal ashyldy, dep habarlaıdy QazAqparat.

Eske sala keteıik, 2011 jyldyń qarasha aıynda polıtsııa kapıtany Ǵazız Baıtasov Taraz qalasynda qaýipti terrorısti ustaý kezinde erlikpen qaza tapqan. Lańkes qol granatasyn jarýǵa áreket etken kezde Ǵazız Baıtasov halyqty qaýipten aman alyp qalý úshin qylmyskerdi jerge qulatyp, óz denesimen granatany japty. Ǵazız Baıtasov 1971 jyly sáýirde Jambyl oblysynda dúnıege kelgen.

«Qazaqstan polıtsııasy qyzmetkerleriniń arasynda erligi men qaharmandyǵy úshin joǵary marapattarǵa ıe bolǵan jigitter az emes. Qaıtys bolǵannan keıin marapattalǵandar da bar. Olardyń árqaısysynyń eren erligi, qaza tapqan batyrlardyń esimderi halyq jadynda máńgi saqtalady», – dedi Taldyqorǵan qalalyq PB bastyǵy Marat Kúshtibaev.