Taldyqorǵanda gaz jarylysy: Aýyr halde jatqan 4 naýqasqa Almatydan dáriger jetkizildi

TALDYQORǴAN.QazAqparat - Taldyqorǵanǵa qarasty Erkin aýylynda gaz ballon jarylysynan jarylysynan zardap shekken 4 naýqasqa sanavıatsııa arqyly Almatydan arnaıy maman jetkizildi, dep habarlaıdy QazAqparat tilshisi.

«Qazirgi ýaqytta Taldyqorǵan qalalyq kópsalaly aýrýhanada jatqan 4 patsıenttiń jaǵdaıy óte aýyr. Aýrýhanaǵa túsken sátten bastap dárigerlermen 4 konsılıým ótkizildi. Respýblıkalyq sanavıatsııa arqyly Almatydan jetekshi travmatolog-kombýstıolog keldi. Barlyq medıtsınalyq uıymdar qajetti dári-dármekter jáne medıtsınalyq tehnıkamen qamatamsyz etilgen», - dedi Almaty oblystyq densaýlyq saqtaý basqarmasy baspasóz qyzmetiniń hatshysy Láılim Áýbákirova.

Resmı ókildiń málimetinshe, jaǵdaı Almaty oblysynyń ákimi Amandyq Batalovtyń jeke baqylaýyna alynǵan.

Esterińizge sala keteıik, Taldyqorǵanǵa qarasty Erkin aýylynda jer úılerdiń birinde gaz ballon jarylyp, 8 adam zardap shekti.

Tótenshe jaǵdaılar qyzmetiniń boljamy boıynsha, ballon peshtiń janynda turǵan.

Jarylysqa osy jaǵdaı sebep bolýy múmkin.

Zardap shekken 8 adam jedel túrde Taldyqorǵandaǵy 3 aýrýhanaǵa jetkizildi. Onyń tórteýiniń jaǵdaıy óte aýyr.