Taldyqorǵanda er adam septıkke qulap ketti

TALDYQORǴAN. QazAqparat - Taldyqorǵanda 58 jastaǵy turǵyn eki metrlik septıkke qulap ketip, aman qaldy, dep habarlaıdy QazAqparat tilshisi.

Oqıǵa 3 qyrkúıek kúni keshki saǵat alty jarym shamasynda bolǵan.

«Shaqyrý ornyna dereý jedel-qutqarý jasaǵynyń jeke quramy, sondaı-aq jedel medıtsınalyq járdem brıgadasynyń qyzmetkerleri de jiberildi. 18 saǵat 45 mınýtta er adam tereńdigi 2 metrge jýyq septıkten shyǵarylyp, jedel járdem brıgadasyna densaýlyǵyn tekserý úshin tabystaldy. Naqtylanǵan málimetterge sáıkes, septık-rezervýar faneramen jabylǵan. Er adamnyń salmaǵynyń aýyrlyǵynan fanera jarylyp ketken. Ol azdaǵan jaraqat aldy», - delingen Jetisý oblysy Tótenshe jaǵdaılar departamentiniń baspasóz qyzmeti taratqan habarlamada.

1954 jyly týǵan er adamdy qutqarýǵa TJD-den 5 qutqarýshy, 1 tehnıka jáne 1 jedel medıtsınalyq járdem brıgadasynyń mamandary qatysty.