Taldyqorǵanda dúbirli at jarysy ótedi
15:19, 04 Qazan 2017
TALDYQORǴAN. QazAqparat - Qazannyń 14-i kúni Taldyqorǵannyń ıppodromynda at jarysy ótedi. Dúbirli doda Elbasynyń «Rýhanı jańǵyrý» maqalasyndaǵy «Óńirlik mádenıet, dástúr jáne qundylyqtar» jobasyn júzege asyrý aıasynda qolǵa alynyp otyr, dep habarlaıdy QazAqparat tilshisi.
«Jetisý júırigi» atty oblystyq týrnırdiń baǵdarlamasyna sáıkes, alaman báıge 41 shaqyrym, top báıge 21, al taı jarysy 5 shaqyrymǵa jalǵasady.
Júldege birneshe avtokólik tigiledi. Máselen, Alaman báıgeniń bas júldesin qanjyǵalaǵan jeńimpaz avtokólik minip qaıtady. Jáne taǵy bes orynǵa arnaıy júldeler qoıylady. Top báıgeniń de bas júldesine avtokólik, al taı jarysynyń jeńimpazy mototsıklǵa ıe bolady.