Taldyqorǵanda birneshe shaǵynaýdanda turǵyndar kógildir otynsyz otyr
16:53, 02 Qarasha 2022
TALDYQORǴAN. QazAqparat - Taldyqorǵan qalasynyń bir bóliginde gaz berilmeı qaldy, dep habarlaıdy QazAqparat tilshisi.
1 qarasha kúni jer astyndaǵy jartylaı qysymdaǵy qubyrlardyń birinen gaz shyǵyp jatqany anyqtalyp, 750-den astam úıge tirshilik kózin berý toqtatyldy.
Apattyń aldyn alý maqsatynda birneshe shaǵynaýdannyń da gaz taratý júıeleri avtomatty túrde ózdiginen óship qaldy.
Qazirgi tańda gaz taratýshy mekeme apattyń sebep-saldaryn naqtylap, aqaýdy joıýǵa kiristi.
Biraq turǵyndardyń kógildir otynǵa qashan qaıtadan qosylatynyn dóp basyp aıtý qıyn deıdi mamandar.
Jumystyń aýqymyn bilý úshin aldymen aqaýdyń kólemin naqtylap alý kerek.
«Naqty ýaqyty ázirge belgisiz. Óıtkeni myna aqaýdy taýyp, onyń materıalyn anyqtaý qajet. Sodan keıin anyq bolady»,- dedi apattyq-dıspetcherlik qyzmetiniń bastyǵy Beıbarys Tileýbaev.