Taldyqorǵanda Beısen Quranbektiń shaǵyn mýzeıi ashyldy
Onda kásibı telejýrnalshynyń ár jyldary túsken sýretteri men kózi tirisinde tutynǵan qolsaǵat, shahmat taqtasy jáne fıgýralary, aıkıdoǵa arnalǵan sporttyq kıimderi men jabdyqtary qoıylǵan. Shaǵyn mýzeıdiń ashylý saltanatyna jınalǵan azamattar Beısenniń tulǵalyq qasıetterine toqtalyp, halyqqa adal qyzmet etkenin tebirene eske aldy. Ol ár qazaqtyń basyna túsken aýyrtpalyqty jan-júregimen qabyldap, taǵdyrdyń teperishin kórgen jandarǵa barynsha járdemdesýge tyrysatyn. Kózi tiri bolsa, Beısen Quranbek dál búgin 49 jasyn atap ótken bolar edi. Óz isiniń has sheberi Beısen Abaıuly Quranbektiń esimi jadymyzdan eshqashan óshpek emes.
Búgingi is shara barysynda marqumdy eske alýǵa arnalǵan Abaı oqýlary baıqaýynyń jeńimpazdary anyqtalyp, tıisti marapattaryn aldy.
«Kókemiz bizdiń otbasynyń ǵana múshesi emes, búkil osy Qazaqstannyń, árbir otbasynyń múshesi boldy dep esepteımin. Ol – kisi árbir qazaqtyń qara domalaq balasyn baýyrym dep ótken adam. Eńbegimen, óziniń sondaı meıirimdiligimen elge syıly azamat boldy. Osyndaı murajaı óte kerek. Óıtkeni ósip kele jatqan ár jańa býyn osy kisige qarap boı túzese, óte keremet bolmaq», - dedi B.Quranbektiń inisi Tólegen Samaıuly.