Taldyqorǵanda azamattardy qabyldaý ortalyǵy ashyldy

TALDYQORǴAN. QazAqparat - Almaty oblysynyń prokýratýrasynda azamattardy qabyldaý ortalyǵy ashyldy. Quzyrly organ qyzmetkerleri halyqqa qolaıly jaǵdaı týǵyzyp, barlyq kedergilerdi alyp tastady. Jańa ortalyqta endi kúndelikti kezekshi prokýror qyzmet kórsetedi, dep habarlaıdy QazAqparat tilshisi.

Endi belgilengen kestege sáıkes oblys prokýrorynan bastap, barlyq orynbasarlary, basqarma jáne bólim basshylary azamattarǵa qabyldaý júrgizip, quqyqtyq keńester beredi.

«Bul tek bastamasy bolyp keledi. Jaqyn arada oblys ákimdigimen birge biz quqyq qorǵaý qyzmetiniń ortalyǵyn ashý josparlanýda. Qyzmet kórsetýdiń joǵary deńgeıin sol jerde kórsetetinimizge kámil senemiz. Qazirgi tańda qurylys jumystary júrgizilip jatyr», - dedi Almaty oblystyq prokýratýrasynyń 1-shi basqarma prokýrory Danııar Muhııaev.

Aıta ketý kerek, jalpy jyl basynan beri oblystyq prokýratýraǵa 11 myńnan astam aryz kelip túsken. Olardyń 5 myńǵa jýyǵy qylmystyq isterdi júrgizý barysy boıynsha shaǵymdanǵan.