Taldyqorǵanda áıeldi ańdyp júrip pyshaqtaǵan eks-kúıeýi 7 jylǵa sottaldy

TALDYQORǴAN. QazAqparat – Taldyqorǵanda burynǵy áıelin ańdyp júrip, júrek pen moıyn tusynan birneshe ret pyshaqtaǵan er adam 7 jylǵa sottaldy, dep habarlaıdy QazAqparat tilshisi.

Jetisý oblysy polıtsııa departamentiniń aqparatyna sáıkes, oqıǵa bıyl 5 qańtarda bolǵan. Qashyp ketken kúdiktige halyqaralyq izdeý jarııalanǵan edi.

«Kúdikti Qostanaı oblysynan tabylyp, Taldyqorǵanǵa jetkizildi. Barlyq is materıaly arnaıy sot-medıtsınalyq saraptama qorytyndysymen sotqa joldandy», - delingen Jetisý oblystyq polıtsııa departamentiniń habarlamasynda.

Aıyptalýshy QR QK-niń 106-baby (Densaýlyqqa qasaqana aýyr zııan keltirý) boıynsha kináli dep tanylyp, 7 jylǵa bas bostandyǵynan aıryldy.

Sot úkimi áli kúshine engen joq.