Taldyqorǵanda atys qarýy bar qoıma tabyldy

TALDYQORǴAN. QazAqparat - Taldyqorǵanda atys qarýy bar qoıma tabyldy, dep habarlaıdy QazAqparat tilshisi.

Taldyqorǵandaǵy saıajaılardyń birinen óńirdiń polıtseıleri Ulttyq qaýipsizdik komıtetiniń Jetisý oblystyq departamentindegi jedel ýákilderimen birlesip iri qarý qoımasyn anyqtady.

«Qoımadan «Saıga» karabıni, «IJ-56» aralas myltyǵynyń kesindisi, sıgnaldyq revolver, tapansha, sonymen qatar 100-den astam túrli kalıbrli patrondar, 13 gılza, kisen jáne kobýra tárkilendi»,- delingen Jetisý oblystyq polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, atalǵan derek boıynsha qylmystyq is tirkelip, tergeý bastaldy. Tárkilengen zattar saraptamaǵa jiberildi.