Taldyqorǵanda arnaıy operatsııa barysynda jergilikti turǵynnyń úıinen 27,5 kg kannabıs tabyldy
Oblystyq prokýratýranyń úılestirýimen Taldyqorǵan qalasynda esirtki satý ornyn anyqtaý boıynsha arnaıy operatsııany polıtseıler Ulttyq qaýipsizdik komıtetiniń óńirlik departamenti ókilderimen birlesip júrgizdi.
Quqyq qorǵaý organdary 40 gramnan astam marıhýana satýǵa áreket etken 39 jastaǵy er adamdy ustady. Kúdiktiniń turǵylyqty jerin tintý kezinde shamamen 27,5 kg kannabıs tektes esirtki tabyldy.
«Atalǵan fakti boıynsha tergeý amaldary QR QK-niń 297-babyna sáıkes (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) júrgizilýde. Kúdikti qamaýǵa alyndy», - dedi Jetisý oblysy Polıtsııa departamenti Esirtki qylmysyna qarsy is-qımyl basqarmasynyń bastyǵy Murat Jumabaev.