Taldyqorǵanda Almaty oblystyq QHA-nyń 23-shi sessııasy ótti

TALDYQORǴAN. QazAqparat - Taldyqorǵanda Almaty oblystyq Qazaqstan halqy Assambleıasynyń 23-shi sessııasy ótti. 2017 jyldaǵy atqarylǵan jumystardy qorytyndylaǵan jıyn «Birlik jáne kelisim rýhanı jańǵyrý negizi» taqyryby aıasynda órbidi, dep habarlaıdy QazAqparat tilshisi.

Jetisý jerinde 105 ult ókili bereke-birlikte ómir súrip, 70-ten astam etno-mádenı birlestik jumys isteıdi. Bıyl Assambleıa quramyndaǵy keńester men uıymdar Elbasy maqalasyndaǵy «Týǵan jer», «100 jańa esim» jáne «Qazaqstannyń kıeli geografııasy» syndy kishi baǵdarlamalardy úılestirýge atsalysty. Óńirlerdi aralap tyń derekterdi jınaqtady. Aýyldaryna  mektep, balabaqsha salyp, týǵan ólkelerin kórkeıtýge úles qosýda.
 

«Rýhy bekem, kıeli meken - Jetisý» atty úlken ekspedıtsııa uıymdastyrylyp, Jetisý jeriniń, kıeli jerleriniń tizimi  jasalyp, ol jerler týraly ańyz áńgimeler jınaqtaldy. Ol jóninde alǵashqy kitap jaryq kóredi dep josparlanýda. Kelesi jyldan bastap ekinshi kezeńinde muny jalǵastyratyn bolamyz», dedi oblystyq QHA tóraǵasynyń orynbasary Ǵabıt Tursynbaı.