Taldyqorǵanda 53 jastaǵy áıeldi zorlap, qashyp ketken kúdikti ustaldy

TALDYQORǴAN. QazAqparat - Jetisý polıtsııasy 53 jastaǵy áıeldi zorlaǵan kúdiktini ustady, dep habarlaıdy Polisia.kz.

Jetisý polıtseıleri Taldyqorǵan qalasyndaǵy qonaq úılerdiń biriniń 53 jastaǵy qyzmetkerin zorlady degen kúdikpen izdeýde júrgen, buryn sottalǵan er adamdy ustady.

Kúdikti Almaty qalasynda ustalyp, qamaýǵa alyndy.

Jábirlenýshiniń aryzy 28 qazan kúni qalalyq polıtsııaǵa kelip túsken.

Belgili bolǵandaı, jergilikti qonaq úıde jumys isteıtin 53 jastaǵy áıeldi qonaq úı bólmesiniń birinde turǵan belgisiz adam zorlap ketken.

Oqıǵa ornynan qashyp ketken erkek - 35 jastaǵy Alakól aýdanynyń turǵyny bolyp shyqty.

Polıtsııa qyzmetkerleri er adamnyń jeke basyn qonaq úıde ornatylǵan beınebaqylaý kameralary arqyly anyqtady.

– Kúdikti buryn aýyr qylmys jasaǵany úshin birneshe ret qylmystyq jaýapkershilikke tartylyp, jazasyn ótegen. Jedel-izdestirý sharalary barysynda Almaty qalasynyń aýmaǵynda jasyrynyp, izdeýde júrgen er adamnyń mekenjaıy anyqtaldy. Qazirgi ýaqytta kúdikti Taldyqorǵan qalasyna jetkizilip, qamaýǵa alyndy, – dep habarlady qalalyq polıtsııa.

Tergeý QR QK 120-baby (Zorlaý) jáne 121-baby boıynsha júrip jatyr.

Tergeý barysynda ustalǵan kúdiktiniń basqa qylmystarǵa qatysy bar-joǵy tekseriledi.