Taldyqorǵanda 3 jasar balany aıaýsyz uryp, óltirdi degen kúdikpen bala kútýshi qaıta qamaýǵa alyndy
Bul jóninde QazAqparat tilshisine Taldyqorǵannyń prokýrory Baqytjan Asheev málimdedi.
«Sot prokýratýranyń jeke ótinishin qanaǵattandyryp, bala kútýshini qaıta qamaýǵa aldy»,- dedi Baqytjan Asheev.
Aıta keteıik, Taldyqorǵanda 3 jastaǵy balany aıaýsyz uryp, ólimine sebepker boldy degen kúdikpen 23 jastaǵy qyz bala ustalǵan bolatyn. Bastapqyda qamaýǵa alynǵan ol, keıinnen sot sanktsııasymen úıqamaqqa bosatylǵan edi.
«Úıqamaqqa jiberilgen kúdikti buǵan deıin sottalmaǵan, kinásin tolyq moıyndaǵan, tergeýden qashpaǵan, turǵylyqty jeri bolǵan. Osyny negizge alyp, sot ony úıqamaqqa jibergen. Bul jerde biz sottyń sheshimin zańsyz dep sanamaımyz, biraq negizsiz dep sanaımyz. Sol sebepti, qylmys aýyr sanatqa jatatyndyqtan, kúdikti qoǵam úshin qaýipti bolýy múmkin. Soǵan sáıkes, biz prokýratýra tarapynan sottyń kúdiktini úıqamaqqa jibergen sheshimimen kelispeı, qaıta kúdiktini qamaýǵa alý jóninde ótinish hat joldadyq. Sot bizdiń ótinishimizdi qanaǵattandyryp, kúdiktini qaıta qamaýǵa alý jóninde sheshim shyǵardy»,- dedi qala prokýrory Baqytjan Asheev.