Taldyqorǵanda 3 jasar bala bas jaraqatynan kóz jumdy

TALDYQORǴAN. QazAqparat - 3 jasar balanyń ólimine qatysy bar degen kúdikpen Taldyqorǵan qalasynyń 23 jastaǵy turǵyny ustaldy. Bul týraly QazAqparat ІІM silteme jasap habarlaıdy.

12 qyrkúıekte Taldyqorǵandaǵy aýrýhananyń birinde 3 jasar bala kóz jumdy. Dárigerler balaǵa basy jaraqattanǵan degen dıagnoz qoıǵan.
Onyń ólimine qatysy bar degen kúdikpen buryn osy balany qarap baqqan 23 jastaǵy jergilikti turǵyn ustaldy. Qyzdy ÝUI qamaýǵa aldy, biraq keıinirek qalalyq sot kúdiktige «úı qamaǵy» sanktsııasyn berdi.
Osy fakti boıynsha saraptama taǵaıyndala otyryp, tergeý QR QK 106-baby 3-bóligi (abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirý) negizinde júrgiziledi. Qylmystyq is oblystyq polıtsııa departamentiniń erekshe baqylaýyna alyndy.