Taldyqorǵanda 114 adamǵa merekelik medal tabys etildi

TALDYQORǴAN. QazAqparat - Búgin Taldyqorǵan qalasynda 114 adamǵa merekelik medal tabys etildi. El Táýelsizdiginiń 25 jyldyǵyna arnalǵan tósbelgini Almaty oblysynyń ákimi Amandyq Batalov ár salanyń ókiline ózi taqty, dep habarlaıdy QazAqparat tilshisi.

Marapattalǵandardyń barlyǵy - Jetisý jeriniń gúldenýine aıanbaı eńbek etip, ter tógip, ósip-órkendeýine ólsheýsiz úles qosyp júrgen jandar. Olardyń qatarynda «Taqııaly perishte» fılminiń basty akteri, Taılaq atymen kórermenniń súıikti ártisine aınalǵan Álimǵazy Raıymbekov jáne  «Jetisý» telearnasynyń kásibı jýrnalısi Gúljanat Maquljanova da bar. Ol atalǵan jerligikti telearna qurylǵaly eńbek etip keledi. Osy 15 jyl ishinde jýrnalıst Gúljanat Ahmetqyzy birneshe tanymdyq-aqparattyq baǵdarlamanyń avtory ári júrgizýshisi boldy. Qazir birneshe jyldan beri «Apta» aqparattyq-saraptamalyq baǵdarlamasynyń redaktory jáne júrgizýshisi. Bilikti maman osy 15 jyl ishinde 5 myńnan asa sıýjet jasap, 600 ret «Apta» baǵdarlamasyn júrgizip, 100-den asa arnaıy reportajdar men túrli baǵdarlamardy qalyń kórermen nazaryna usynǵan.

Aıta ketý kerek, búginde Almaty oblysy kún sanap damyp keledi. 2000  jyldary óńirdiń bıýdjeti nebári 11 mlrd teńge bolsa, búginde bul qarjy 410 mlrd. teńgege jetip otyr.