Taldyqorǵan-Óskemen ýchaskesinde qurylys jumystary aıaqtalady

NUR-SULTAN. QazAqparat – Bıyl Taldyqorǵan-Óskemen ýchaskesinde qurylys jumystary aıaqtalady. Bul týraly QR Indýstrııa jáne ınfraqurylymdyq damý vıtse-mınıstri Berik Kamalıev aıtty, dep habarlaıdy QazAqparat tilshisi.

«Jyl qorytyndysynda Ortalyq Azııa respýblıkalaryn Reseı Federatsııasynyń Shyǵys Sibirimen, sondaı-aq, Qazaqstannyń ońtústik jáne shyǵys óńirlerin baılanystyratyn halyqaralyq tranzıttik dáliz Taldyqorǵan-Óskemen ýchaskesin rekonstrýktsııalaý boıynsha negizgi jumystardy aıaqtaýdy josparlap otyrmyz», - dedi Berik Kamalıev Ortalyq kommýnıkatsııalar qyzmetindegi baspasóz máslıhaty barysynda.

Sondaı-aq, vıtse-mınıstr Úsharal-Dostyq avtojoly rekonstrýktsııalanyp jatqanyn aıtty.

«Bıyl qozǵalys ashýdy, al kelesi jyly tolyqtaı aıaqtaýdy kózdep otyrmyz. Atalǵan avtojol Alakól kóliniń týrıstik klasterin damytý úshin úlken mańyzǵa ıe», - dedi ol.