Taldyqorǵan meshiti 240 balany mektepke daıyndady

TALDYQORǴAN. QazAqparat - Taldyqorǵan qalasynyń ortalyq «Iman» meshiti «Mektepke jol» respýblıkalyq aktsııasyna belsene qatysty. Imamdar men qaıyrymdy jandar 240 balany aldaǵy oqý maýsymyna daıyndady, dep habarlaıdy QazAqparat tilshisi.

«Mektepke jol» respýblıkalyq aktsııasy aıasynda Taldyqorǵan ortalyq «Iman» meshitinde 240 balaǵa arnalǵan oqý qural-jabdyqtary salynǵan mektep sómkeleri tabys etildi. Qazaqstan musylmandary dinı basqarmasynyń Taldyqorǵan óńiri boıynsha ókil ımamy Ardaq Núsiphanulynyń aıtýynsha, bul aktsııaǵa óńir meshitteri jyl saıyn belsendi túrde atsalysyp keledi.

Bıyldyń ózinde oblys ortalyǵyndaǵy ımandylyq shańyraqtary, «Zeket» qory jáne «Jaqsylyqta jarysaıyq» eriktiler toby óz úlesterin qosty. Olardyń kómegimen jalpy somasy 5 mıllıon teńgege jýyq qarjyǵa óńirdegi 1 500-den astam oqýshyǵa oqý qural-jabdyq áperilip, mektep formalary taratyldy.