Taldyqorǵan mańynda kólik apatynan eki adam mert boldy

TALDYQORǴAN. QazAqparat - Taldyqorǵan mańynda kólik apatynan eki adam mert boldy, - dep habarlaıdy QazAqparat tilshisi.

«Taldyqorǵan-Úshtóbe» aınalma jolynda «Mitsubishi Pajero» avtokóligi «KAMAZ» júk kóligimen soqtyǵysty. «Mitsubishi Pajero» avtokóligin 32 jastaǵy er adam basqarǵan, ol jolaýshysymen birge oqıǵa ornynda kóz jumdy. Sonymen qatar, 34 jastaǵy áıel túrli jaraqattarmen qalalyq aýrýhanaǵa jatqyzyldy.

«Kólik apaty boıynsha qajetti saraptamalardy taǵaıyndaı otyryp, sotqa deıingi tergeý amaldary bastaldy. Polıtsııa avtokólik júrgizýshilerin QR Jol erejelerin saqtaýǵa jáne avtojoldarda qyraǵylyq tanytyp, saq bolýǵa shaqyrady»,- delingen Jetisý oblysy PD Baspasóz qyzmetiniń habarlamasynda.