Taldyqorǵan mańynda 66 jastaǵy zeınetkerdi kólik qaǵyp, mert boldy

TALDYQORǴAN. QazAqparat - Almaty-Óskemen tas jolynyń 203-shi shaqyrymynda zeınetkerdi kólik qaǵyp, mert boldy, - dep habarlaıdy QazAqparat tilshisi.

Oqıǵa 14-qyrkúıek kúni Kóksý aýdanynyń Aınabulaq aýylynyń mańynda bolǵan.

«39 jastaǵy er adam «Mıtsýbısı Delıka« kóligin júrgizip kele jatyp, jaıaý júrginshini qaǵyp ketken. 66 jastaǵy zeınetker oqıǵa ornynda mert boldy. Ol jaıaý júrginshige arnalǵan jolaqtan ótip bara jatqan. Qazir atalǵan fakti boıynsha QR QK-niń 345-babyna sáıkes tergeý bastaldy»,- delingen Jetisý oblystyq polıtsııa departamenti baspasóz qyzmetiniń habarlamasynda.