Taldyqorǵan qalasy epıdemılogııalyq ahýal boıynsha «qyzyl» aımaqqa endi

TALDYQORǴAN. QazAqparat - Almaty oblysynyń epıdemıologııalyq ahýal matrıtsasy boıynsha Taldyqorǵan qalasy «qyzyl» aımaqqa kirdi. Naýryz aıynyń basynan beri qalada koronavırýs juqtyrǵandar sany 433 jetken, dep habrlaıdy QazAqparat tilshisi.

Qalanyń bas sanıtar dárigeri sáýirdiń 1-15 aralyǵynda karantın sharalaryn kúsheıtý jóninde sheshim qabyldady.

Bul kúnderi oblys ortalyǵyndaǵy jumysshy sany 20-dan asatyn mekemeler men ujym qyzmetkerleriniń 70 paıyzy onlaın formatta jumys isteıdi.

Sondaı-aq barlyq bilim mekemelerinde oqytý qashyqtyqtan júrgiziledi.

Demalys kúnderi lokdaýn jarııalanyp, azyq-túlik pen qurylys materıaldarynan basqa taýar satatyn saýda ortalyqtary, qoǵamdyq tamaqtaný oryndary jabylady.

Senbi, jeksenbi kúnderi saýyqtyrý oryndary men qoǵamdyq monsha, saýnalar, teatr men kınoteatrlar jumys istemeıdi.

«Muǵalimder men oqýshylardyń arasynda eki aıdyń ishinde 39 oqýshy koronavırýs ınfektsııasymen naýqastandy, sondaı-aq 17 muǵalim indet juqtyrdy. Sol sebepti biz mektepterdi onlaın rejımge jiberip jatyrmyz» deıdi qalanyń bas sanıtar dárigeri Ermek Ásemqulov.