Taldyqorǵan áskerı gospıtal bastyǵy sottaldy

TALDYQORǴAN.QazAqparat - Taldyqorǵan qalalyq áskerı gospıtaliniń bastyǵy, medıtsına qyzmetiniń polkovnıgi A.M. Kólbaev 11 mln. teńge aıyppul tóleýge mindetteldi, - dep habarlaıdy QazAqparat tilshisi.

Al atalǵan aýrýhananyń aǵa medbıkesi A.D. Azımahýnovaǵa 2 jylǵa bas bostandyǵyn shekteý jazasy berildi.

Olar zańsyz aqsha alǵan degen kúdik keltirilip otyr.

«Atap aıtqanda, qyzmetkerdiń koronavırýspen kúres úshin jalaqysyna qosylǵan qarjynyń 50% nemese 1 mln teńgesin onyń senimine kire otyryp, aldap alǵan. Bul rette oǵan jeke eńbek kelisimshartynyń merzimin uzartyp berýge «qamqorlyq» jasaımyn dep ýáde bergen degen kúdik keltirilip otyr», dep habarlady sybaılas jemqorlyqpen kúres qyzmetkerleri istiń mán-jaıyna toqtala kele.

Vedomstvonyń aqparatyna sáıkes, Kólbaev ómir boıy memlekettik qyzmette qyzmet atqarý quqyǵynan aıyryldy.