Taldyqorǵan ákimi merdigerler nazaryn atqarylatyn jumys sapasyna aýdardy (FOTO)
Qala basshysy «Jastar» saıabaǵyndaǵy jumys barysymen tanysty. Jyl basynan beri oblys ortalyǵynda qurylysshylardyń jumysty shapshańdatýyna múmkindik beretin aýa raıy qolaıly bolyp tur. Biraq ta anyqtalǵanyndaı, jumysshylar alǵa qoıylǵan mindetterdi oryndamaǵan jáne júzege asyrylǵan nysandar sapasy syn kótermeıdi. Máselen, Baǵdat Qarasaev saıabaq aýmaǵyna ornatylǵan jańa otyrǵyshtardy synǵa aldy. Ákim biryńǵaı stanadarttar joqtyǵyna nazar aýdarýmen qatar, aǵash konstrýktsııalardy syrlaýdaǵy kemshilikterdi de kórsetti. Qurylysshylar jańa jyldyń aldyndaǵy jumys qarqynyn qojyratyp jibergen. Ákim «Spetstehnomash» JShS merdigerlik uıymynyń birqatar kemshilikterin betine basyp, olardy shuǵyl túzetýdi tapsyrdy.
Budan keıin qala ákimi qalanyń ońtústik-batys turǵyn alabynda salynyp jatqan eki kóppáterli úılerdiń qurylysyn tekserdi. Qurylys jumystary márege jaqyndap kele jatqanyna qaramastan «Altyn shege» JShS jáne «Gaký qurylys» JShS nysandy tapsyrý kestesinen arta keledi. Sonymen qatar Taldyqorǵan ákimi qurylys kompanııalary tarapynan birqatar kemshilikterdi atap kórsete kelip, apta ishinde barlyq eskertýlerdi joıýǵa tapsyrma berdi.