Taldyqorǵan ákimi Áset Masabaev qyzmetinen ketti
15:12, 30 Maýsym 2023
TALDYQORǴAN. QazAqparat – Taldyqorǵan ákimi Áset Masabaev qyzmetinen bosatyldy, dep habarlaıdy QazAqparat tilshisi.
Aqparatty qalalyq ákimdiktiń baspasóz qyzmeti rastady.
Esterińizge sala keteıik, Áset Masabaev 2022 jyldyń 4 naýryzynda Taldyqorǵan qalasynyń ákimi bolyp taǵaıyndaldy. Ol buǵan deıin Almaty qalasyndaǵy Jetisý jáne Medeý aýdandary ákimderiniń orynbasary, Almaty qalasy ákiminiń bas ınspektory, Almaty qalasy Tabıǵı resýrstar jáne tabıǵatty paıdalaný jáne Energotıimdilik jáne ınfraqurylymdyq damý basqarmasynyń basshysy bolǵan. 38 jastaǵy ákimniń bıyl mamyr aıynda densaýlyǵy syr berip, jansaqtaý bólimine túskenin habarlaǵan bolatynbyz.