Taldyqorǵandaǵy saıabaqtyń 74 gektar jeri memleketke qaıtarylatyn boldy

<p>ASTANA. KAZINFORM - Sot Jetisý prokýrorlarynyń Taldyqorǵandaǵy &laquo;Ardagerler saıabaǵy&raquo; jerlerin memlekettik menshikke qaıtarý týraly talap aryzyn qanaǵattandyrdy, dep habarlaıdy óńirlik prokýratýranyń baspasóz qyzmeti.&nbsp;</p>

Sot Taldyqorǵan qalasy prokýratýrasynyń «Ardagerler saıabaǵynyń» 74 gektar jerin jeke tulǵaǵa berýdi zańsyz dep taný jáne olardy memleket menshigine qaıtarý týraly talap aryzyn qanaǵattandyrdy.

Prokýrorlar jalpy paıdalanýdaǵy orman saıabaǵy aımaǵyna jatatyn ýchaskeniń 2004 jyly jeke tulǵaǵa zańsyz ıelikten shyǵarylǵanyn anyqtaǵan (Jer kodeksiniń 26-baby buzylǵan).

Keıinnen, jańa jer ıesi elıtalyq kottedjdik qalashyq salýdy kózdep, onyń paıdalaný maqsatyn ózgertken. Sol úshin saıabaq aýmaǵy 240 ýchaskege bólingen.

Sot sheshimi áli zańdy kúshine engen joq.

Prokýratýra zańnyń saqtalýyn qamtamasyz etý, memlekettik jáne qoǵamdyq múddelerdi qorǵaý jumystaryn turaqty negizde júrgizedi.