Taldyqorǵanda joǵalǵan 14 jastaǵy qyzdyń múrdesi tabyldy

<p>Taldyqorǵandyq Karına Darohınanyń joǵalǵanyna úsh aıǵa jýyqtaǵan. Osy ýaqyt aralyǵynda oqýshy qyzdy izdeýge eriktiler men polıtsııa jumyldyryldy, dep habarlaıdy Kazinform.</p>

Buǵan deıin joǵalǵan qyzdyń anasy men ógeı ákesiniń kúdikke ilingeni týraly jazylǵan bolatyn.

Búgin oblys polıtseıleri jasóspirimniń múrdesin tapty. Karınanyń anasy men ógeı ákesi qylmys jasaǵandaryn moıyndap, qyzdyń denesin kómgen oryndy kórsetken.

- Eki aı buryn joǵalǵan oqýshy qyzdyń múrdesi Taldyqorǵan qalasynan 40 shaqyrym qashyqtyqtaǵy Tekeli taýynan tabyldy. Ony otbasylyq janjaldan keıin anasy men ógeı ákesi óltirip, jansyz deneni avtokólikke salyp áketken. Osy ýaqyt aralyǵynda Aısabakıevter ótirik málimet berip, izdeý jumysyna jáne tergeý barysyna da kedergi keltirdi. Qazir olar ýaqytsha ustaý ornyna qamaldy, - dep habarlady oblystyq polıtsııadan.