Taldyqorǵanda jedel járdem kóligi jol jıeginde dóńgelek aýystyryp jatqan júrgizýshini qaǵyp óltirdi
10:56, 30 Qazan 2023
<p>Taldyqorǵanda jedel járdem kóligi jeńil máshıneni soǵyp, bir adam mert boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>. </p>
Oqıǵa 30 qazanǵa qaraǵan túni Taldyqorǵannyń ortalyǵynda Audi 80 jáne Hyundai Solati avtokólikteriniń qatysýymen boldy.
54 jastaǵy jedel járdem kóliginiń júrgizýshisi Balpyq bı kóshesimen kele jatyp, jol jıeginde turǵan Audi kóligin soqty.
Soqqy kezinde nemis sheteldik kóliginiń 37 jastaǵy júrgizýshisi jolaýshysymen birge kóliktiń artqy dóńgelegin aýystyryp jatqan.
Jeńil kólik júrgizýshisi oqıǵa ornynda qaıtys boldy.
Sondaı-aq 36 jastaǵy er adam túrli dene jaraqatymen aýrýhananyń reanımatsııa bólimine jatqyzyldy.
Qajetti saraptama taǵaıyndalyp, QR QK 345-babynyń 3-bólimimen tergeý amaldary bastaldy.
Tergeýdi oblystyq polıtsııa departamenti baqylaýǵa aldy.