Taldyqorǵanda tártip saqshysy zorlaǵan qyzdyń advokaty málimdeme jasady
«Zorlaý» baby boıynsha saraptama taǵaıyndalyp, kúdikti qamaýǵa alynǵan. Aty-shýly is Іshki ster mınıstriniń tikeleı baqylaýynda, dep habarlaıdy Kazinform.
Oqıǵaǵa oraı jábirlenýshiniń advokaty Nurlan Molbaev zorlyqtyń qalaı jasalǵanyn aıtyp berdi. 12 qarasha kúni ýchaskelik ınspektor qoǵamdyq tártipti buzdy degen aıyppen 27 jastaǵy qala turǵynyn Іshki ister basqarmasyna jetkizgen. Osy jerde anyqtaýshynyń kabınetinde suraqtarǵa jaýap berip otyrǵan qyzdy basqarma basshysy kabınetine ákelýdi buıyrady.
- Meniń qorǵaýymdaǵy azamat basshynyń kabıneti kirgennen keıin bolǵan jaǵdaıdy aıtyp, aqtalǵan. Ony muqııat tyńdaǵan polıtsııa basshysy kómektesetinin aıtqan. «Sendeı ádemi qyzǵa protokol toltyrǵyzbaımyn» dep qyzdy jynystyq qarym-qatynasqa májbúrlep, tıise bastaıdy. Qazir jábirlenýshi tıisti saraptamadan ótti, qylmys ornynan ıaǵnı, Taldyqorǵan qalalyq polıtsııa basqarmasy basshysynyń kabınetinen aıǵaqtar alyndy. Kabınetten qyzǵa tıesli gıgıenalyq zattar men er adamnyń shaýhat izi tabyldy, - dedi jábirlenýshiniń advokaty Nurlan Molbaev.
Qazir kúdikti Eskeldi aýdanyndaǵy ýaqytsha ustaý mekemesine qamalǵan. Oqıǵa oraı oblystyń bas polıtseıi Atyǵaı Arystanov túsinik berdi.
Kúdikke ilingen polıtsııa generaly Marat Kúshtibaev 2022 jyldan beri Taldyqorǵan qalalyq polıtsııa basqarmasynyń basshysy qyzmetin atqaryp keldi.
Áýelgide Talǵar aýdanynda, Іle aýdanynda jáne oblystyq ákimshilik polıtsııa qyzmetindegi laýazymdy orynda uzaq jyl jumys istegen ol 2019 jyly Almaty oblysynyń jergilikti polıtsııa qyzmetiniń basshysy bolyp taǵaıyndalǵan edi. Alaıda Kúshtibaev osy qyzmetti atqaryp júrip te daýǵa ilikken bolatyn. Qol astyndaǵy qyzmetkerlerine dórekelik jasap, boqtyq sóz aıtqan generaldyń daýysy basylǵan aýdıo jazba tarap, qoǵam talqysyna túsken. Daýdan keıin qyzmetinen shettetilgen Marat Kúshtibaev ótken jyly Jetisý oblysynyń ortalyǵyna bas polıtseı bolyp oralǵan edi.