Taldyqorǵanda shetel azamatyn soqqyǵa jyqqan 24 jastaǵy kúdikti ustaldy

<p>Oqıǵa 19 qarashada, qaladaǵy sýpermarkette bolǵan. 28 jastaǵy sheteldikke jergilikti turǵyn qol jumsap, qashyp ketken, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Taldyqorǵan polıtsııasy jábirlenýshiniń aryzy boıynsha soqqyǵa jyqqan kúdiktini anyqtady.

Beınekameraǵa jazylyp qalǵan oqıǵaǵa eki adamnyń sózge kelip qalýy sebep bolǵan.

Іzdeý nátıjesinde Taldyqorǵan polıtseıleri sheteldik azamatqa qatysty buzaqylyq jasady degen kúdikke ilingen jas jigitti anyqtady.

Ol Eskeldi aýdanynyń 24 jastaǵy turǵyny bolyp shyqty.

- 19 qarashada qalalyq polıtsııaǵa alys sheteldiń 28 jastaǵy ókili júgindi. Óz málimdemesinde er adam ony qalalyq sýpermarketterdiń birinde uryp-soqqan. Jábirlenýshi oǵan shara qoldanýdy talap etti. Tártip saqshylary kúdiktini bir saǵat ishinde ustap, polıtsııaǵa jetkizdi, - delingen Taldyqorǵan polıtsııasynyń resmı málimetinde.

Qazir kúdiktige qatysty tergeý amaldary júrgizilip, Qylmystyq kodekstiń 293-baby boıynsha is qozǵalǵan.