Taldyqorǵanda ishek ınfektsııasyn juqtyrǵandar sany ósti

<p>TALDYQORǴAN. KAZINFORM &mdash; Taldyqorǵan qalasy boıynsha bıyl 10 aıda jiti ishek ınfektsııasynyń 881 jaǵdaıy anyqtaldy. Bul ótken jyldyń osy ýaqytymen salystyrǵanda 17 jaǵdaıǵa kóp.</p>

Jiti ishek ınfektsııasy — bul asqazan-ishek joldaryn zaqymdaıtyn, ár túrli patogendi mıkroorganızmderden týyndaıtyn juqpaly aýrýlar toby.

Taldyqorǵan qalalyq sanıtarııalyq-epıdemıologııalyq baqylaý basqarmasynyń dereginshe anyqtalǵan 881 jaǵdaıdan naqtylanǵany — 589 jaǵdaı (1 salmonellez), naqtylanbaǵan jiti ishek juqpasy– 292. Bir qýanarlyǵy 14 jasqa deıingi balalar arasynda aýrý kórsetkishi tómendegen. Byltyr 10 aıdyń ishinde 569 jaǵdaı tirkelse, bıyl 507 jasóspirimnen anyqtalǵan.

«Infektsııanyń taralý joly 100% jaǵdaıda taǵam arqyly bolady. Berilý faktorlary úı jaǵdaıynda daıyndalǵan, durys saqtalmaǵan taǵamdar ónimderi, kóshedegi stıhııalyq saýda, sonymen qatar ruqsaty joq tamaqtaný» — dedi Taldyqorǵan qalalyq sanıtarııalyq-epıdemıologııalyq baqylaý basqarmasy basshy Sáýle Ahan.

Eske salaıyq, buǵan deıin Jetisý oblysynda naýqastarǵa tıesili dári-dármekterdiń jyldar boıy qorapta jatqanyn jazǵanbyz.