Taldyqorǵanda polıtsııa kóligi jol apatyna ushyrady

<p>TALDYQORǴAN. KAZINFORM &ndash; Taldyqorǵanda patrýldik polıtsııa kóligi jol apatyna ushyrady.</p>

Áleýmettik jelide paıda bolǵan kadrlardan polıtsııa kóliginiń jeke úıdiń qorshaýyna soǵylǵanyn kórýge bolady. Jetisý oblystyq Polıtsııa departamenti atalǵan jaǵdaıǵa qatysty túsinik berdi.

«102» nómirine pyshaq jaraqatyn alǵan adam týraly habarlama tústi. Oqıǵa ornyna dereý polıtsııa ekıpajy jiberildi. Arnaıy dybystyq dabyly men jaryqtary qosylǵan polıtsııa kóligi Aldabergenov pen Ýálıhanov kósheleri qıylysynda baǵdarshamnyń qyzyl túsine ótip bara jatqanda, qyzmettik kólikke jol bermegen «Chevrolet Niva» mashınasymen soqtyǵysty», - dep habarlady polıtsııadan.

Zardap shekkender joq.

Jol apatynyń sebebin anyqtaý úshin qyzmettik tergeý bastaldy.