Taldyqorǵanda kottedj salamyz dep bıýdjet qarjysyn jymqyrǵan sheneýnikter sottaldy

<p>Taldyqorǵan sotynda &laquo;Bereke&raquo; kottedj qalashyǵynyń sapasyz qurylysynda kemshilikterge jol bergen kináli tulǵalarǵa úkim shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Osyǵan deıin habarlanǵandaı, Jetisý oblysynyń prokýrorlary atalǵan nysandy salý kezinde jymqyrý faktisi boıynsha qylmystyq isti tirkep, tergeý júrgizgen.

Kottedj qalashyǵyndaǵy úılerge qatysty ákimdik qyzmetkerleri qamaýǵa alynǵan. 

Prokýrorlyq tekserýdi bastaýǵa buqaralyq aqparat quraldarynda birneshe ret jarııalanǵan qurylysy aıaqtalmaǵan úıler týraly maqalalar sebep boldy.

Qylmystyq isti tergeý sheńberinde merdiger kelgen zalaldy ótedi, onyń ishinde 36 úıdi óz qarajatyna saldy.

30 qyrkúıekte jergilikti atqarýshy organ 25 úıdiń kiltin kópbalaly otbasylarǵa berdi.

Jaqyn arada taǵy 11 úı beriledi. 

Sot úkimimen merdiger uıymnyń basshysy, qurylysty tehnıkalyq qadaǵalaýdy júzege asyratyn kompanııanyń jumyskerleri jáne tapsyrys berýshi — Taldyqorǵan qalasy qurylys bóliminiń laýazymdy tulǵalary Qylmystyq kodekstiń 189-babynyń 4-bóligi, 361-baptyń 4-bóligi jáne 280-babynyń 1-bóligi boıynsha kináli dep tanylyp, ártúrli jaza arqalady. 

Úkim zańdy kúshine engen joq.