Taldyqorǵanda halyqaralyq izdeýde júrgen Ózbekstan azamaty ustaldy

<p>TALDYQORǴAN. KAZINFORM - Jetisý oblysy Polıtsııa departamenti Ekstremızmge qarsy is-qımyl basqarmasynyń qyzmetkerleri QR ІІM Ekstremızmge qarsy is-qımyl departamentiniń jáne QR QAJK-niń úılestirýimen memleketaralyq izdeýde júrgen Ózbekstan Respýblıkasynyń azamatyn ustady dep habarlady Jetisý oblystyq polıtsııa departamentiniń baspasóz qyzmeti.</p>

Ustalǵan adam - Ózbekstan Respýblıkasynyń Qylmystyq kodeksine sáıkes ıemdený nemese jymqyrý arqyly urlyq jasady degen aıyppen óz elinde izdeýde júrgen 20 jastaǵy er adam. Oǵan 2023 jyldyń 29 jeltoqsanynda Tashkent oblysynyń Bas ishki ister basqarmasy izdeý jarııalaǵan.

Kúdikti Ózbekstannan shyǵyp, Qazaqstanǵa kelgen. Shymkent qalasynda jasyrynyp júrip, kóp uzamaı 2024 jyly Taldyqorǵanǵa kóship kelip, aspazdyń kómekshisi bolyp jumysqa ornalasqan. 

Qazirgi ýaqytta múddeli memlekettik organdarmen birlesip, qamaýǵa alynǵan kúdiktini Ózbekstanǵa ekstradıtsııalaý týraly másele qaralýda, onda ol sot aldynda jaýap beredi.

Eske salaıyq buǵan deıin Jetisý oblysynda Latvııa azamattary taýǵa saıahatqa shyǵyp, adasyp ketkeni týraly jazǵanbyz.