Taldyqorǵanda eki aı buryn joǵalǵan 14 jasar qyzdyń anasy men ógeı ákesi ustaldy

<p>Taldyqorǵanda qarashadan beri mektepke barmaı, iz-túzsiz ketken 14 jasar qyz áli tabylǵan joq. Polıtsııa onyń ata-anasyn qamaýǵa aldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> oblystyq PD baspasóz qyzmetine silteme jasap.&nbsp;</p>

«14 jasar qyzdyń joǵalý deregine baılanysty kúdikti dep tanylǵan qyzdyń týǵan anasy men Tıktokta shaǵymdanǵan ógeı ákesi ustalyp, qamaýǵa alyndy» dep málimdedi Jetisý oblystyq polıtsııa departamentinen. 

Vedomstvo qandaı bappen is qozǵalǵanyn, kúdiktiler qyzdy óltirdi me, álde basqa qylmys jasady ma  — ol jaǵyn naqtylaǵan joq. 

Aıta keteıik, munyń aldynda qyzdyń ógeı ákesi vıdeo túsirip, polıtsııa áıelin ustap áketip, uryp-soqqanyn, ruqsat etilmegen tergeý ádisterin qoldanǵanyn aıtqan edi. 

Polıtsııa kúdiktilerge zańsyz tergeý ádisteri jasalmaǵanyn habarlady. 

«Alǵashqy kúnnen bastap advokattarǵa tergeý amaldaryna qatysýǵa múmkindik berilgen. Іs Іshki ister mınıstrliginiń erekshe baqylaýynda», — deıdi Jetisý oblystyq polıtsııa departamenti bastyǵynyń orynbasar Rýslan Charapıev. 

Eske sala keteıik, biz buǵan deıin Taldyqorǵanda birneshe aı mektepke barmaǵan 14 jasar qyz izdestirilip jatqanyn habarlaǵan edik.  

28 jeltoqsanda Taldyqorǵan qalasynyń polıtsııa bólimine bir mekteptiń basshylyǵynan birneshe aı boıy sabaqqa kelmegen 14 jasar oqýshy týraly shaǵym túsken.