Taldyqorǵanda birneshe aı mektepke barmaǵan 14 jasar qyz izdestirilip jatyr

<p>Jetisý oblysynda 14 jasar qyzǵa izdeý jarııalandy, dep habarlaıdy <a href="https://kaz.inform.kz/" target="_blank" rel="noopener">Kazinform</a> qalalyq polıtsııaǵa silteme jasap.&nbsp;</p>

28 jeltoqsanda Taldyqorǵan qalasynyń polıtsııa bólimine bir mekteptiń basshylyǵynan birneshe aı boıy sabaqqa qatyspaǵan 14 jasar oqýshynyń joǵalyp ketkeni týraly aqparat kelip tústi.

Kámeletke tolmaǵan oqýshyny izdeýmen Taldyqorǵan qalalyq polıtsııanyń qyzmetkerleri aınalysyp jatyr.

«Onyń joǵalýynyń búkil mán-jaıy anyqtalyp jatyr. Іzdestirý sharalaryna oblystyq departamenttiń izdestirý bóliminiń jedel ýákilderi men jaqyn ornalasqan aýdandardyń polıtseıleri de tartylǵan» dep málimdedi Taldyqorǵan qalalyq polıtsııasynan.

Joǵalǵan qyzdyń ata-anasy, týystary men jaqyndarynan jaýap alynyp jatyr.

Beınebaqylaý kameralary qaralyp, taksı aıaldamalary tekserilip jatyr, sondaı-aq joǵalǵan qyzdy tez arada tabýǵa baǵyttalǵan basqa da is-sharalar jalǵasyp jatyr.