Taldyqorǵanda bilim salasynyń asa qomaqty qarjy jymqyrǵan 21 esepshisine sot úkimi shyqty

<p>TALDYQORǴAN.KAZINFORM &ndash; Jetisý oblysynyń qylmystyq ister jónindegi mamandandyrylǵan aýdanaralyq soty bıýdjet qarajatyn asa iri mólsherde urlady degen aıyppen Taldyqorǵan qalalyq bilim bóliminiń 21 býhgalterine qatysty sot úkimin shyǵardy.&nbsp;</p>

3 jyl boıy bilim bóliminiń bas esepshisi men onyń qaramaǵyndaǵy birneshe qyzmetker jumys istemeıtin adamdarǵa aqsha aýdaryp júrgen. Olar urlanǵan 4,5 mlrd teńgeni týystarynyń shotyna aýdaryp kelgen.

Sot barysynda prokýror aıyptalýshylarǵa 8 jyldan 17 jylǵa deıin bas bostandyǵynan aıyrýdy surady. Sot qylmystyq isti uıymdastyrǵan basty 3 azamatty 12 jyldan 15 jylǵa deıin bas bostandyǵynan aıyrdy. 

Al, qalǵan 15 sottalýshy 7 jyldan 11 jylǵa deıin qamaldy.

Sottalǵandardyń 3 mlrd teńgeden astam aqshalaı qarajaty men jyljymaıtyn múlki tárkilendi.

Aıta keteıik, buǵan deıin Batys Qazaqstan oblysyndaǵy 50 mln teńgeni jymqyrǵan sport mektebiniń esepshisi jaıly jazǵan edik.