Taldyqorǵan turǵynynan 20 mln teńgeniń esirtkisi tárkilendi

<p>TALDYQORǴAN. KAZINFORM - Jetisý oblysy polıtsııa departamentiniń esirtki qylmysyna qarsy basqarmasynyń qyzmetkerleri &laquo;Qarasora-2024&raquo; jedel-profılaktıkalyq is-sharasy aıasynda mefedronnyń iri partııasyn tárkiledi.</p>

Oblystyq prokýratýramen birlese otyryp atqarylǵan jedel is-qımyldyń nátıjesinde Taldyqorǵan qalasynyń 34 jastaǵy turǵyny tutqyndaldy.

Polıtsııa departamentiniń baspasóz qyzmeti taratqan málimet boıynsha kúdiktiniń kóligin tekserý barysynda erekshe ıisi bar aq zattyń qapshyǵy tabylǵan. Saraptama qorytyndysyna sáıkes onyń «mefedron» sıntetıkalyq esirtkisi ekeni anyqtaldy. Salmaǵy 1 keli bolatyn esirtki 2000 dozaǵa teń, al naryqtyq quny 20 mıllıon teńgege baǵalanady.

«Osy fakt boıynsha sotqa deıingi tergeý amaldary bastalyp kúdikti ýaqytsha ustaý ızolıatoryna qamaldy. Jyl basynan beri Jetisý oblystyq polıtsııa departamenti esirtki qylmysyna qarsy is-qımyl basqarmasynyń qyzmetkerleri zańsyz aınalymnan 500 kelige jýyq túrli esirtki zattaryn tárkiledi»,- Jetisý oblystyq polıtsııa departamentiniń resmı ókili Janar Halyqova.

Polıtsııa qyzmetkerleri esirtki zattaryn óndirý, saqtaý, tasymaldaý jáne asa iri mólsherde ótkizý sııaqty zańsyz áreket jasaǵandarǵa múlki tárkilenip, 10 jyldan 15 jylǵa deıingi merzimge bas bostandyǵynan aıyrý jazasy qarastyrylǵanyn eskertedi.

Eske sala keteıik buǵan deıin Taldyqorǵan qalasynda 1284 dana veıp satpaq bolǵan eki jigittiń ustalǵanyn jazǵanbyz.