Taldyqorǵan polıtsııasynyń burynǵy bastyǵyn sot zalynan jedel járdem alyp ketti

<p>TALDYQORǴAN. KAZINFORM &ndash; Taldyqorǵanda qyz zorlady degen kúdikke ilingen polıtsııa basqarmasynyń burynǵy bastyǵy Marat Kúshtibaevqa qatysty sot otyrysy barysynda onyń densaýlyǵy syr berip, aýrýhanaǵa alyp ketti.</p>

Bul oqıǵanyń vıdeosy áleýmettik jelide tarady. Kadrdan dárigerlerdiń er adamdy zembilmen alyp shyqqanyn kórýge bolady.

Jetisý oblystyq sotynyń baspasóz qyzmeti bul aqparatty rastady.

«Sottalýshy K.-ny sot otyrysy kezinde jedel járdemmen alyp ketti. Qazirgi ýaqytta sottalýshy kardıologııalyq ortalyqta dárigerlerdiń baqylaýynda. Osyǵan baılanysty, sot otyrysy keıinge qaldyryldy», - dep málimdedi oblastyq sottyń baspasóz qyzmeti. 

Aqpan aıynyń sońynda Marat Kúshtibaevqa qatysty sot otyrysy bastalǵan edi. Protsess jabyq rejımde ótti. 

Eske salaıyq, byltyr qarashada Taldyqorǵan polıtsııasynyń basshysy Marat Kúshtibaev qyz zorlady degen kúdikpen ustalǵan bolatyn. Málimetke sensek, qylmys onyń kabınetinde bolǵan.