Taldyqorǵan polıtsııasynyń bastyǵy kabınetinde qyz zorlaǵany úshin 11 jylǵa sottaldy
Kúshtibaevqa qatysty qylmystyq is qyzmettik mindetterin atqarý kezinde jábirlenýshige kúsh qoldanyp zorlaý faktisi boıynsha (QK 120-baby 2-bóliginiń 5-tarmaǵy) qaraldy.
Aıyptaý aktisine sáıkes, 2023 jyldyń 12 qarashasynda K. Taldyqorǵan qalalyq polıtsııa basqarmasynyń bastyǵy bola tura polıtsııa bóliminiń ǵımaratynda, atap aıtqanda, óz kabınetinde zorlaý, ıaǵnı jábirlenýshige kúsh kórsetý arqyly jynystyq qatynasqa túsken.
«Sot úkimimen Kúshtibaev Qylmystyq kodekstiń 120-babynyń 2-bóliginiń 5 tarmaǵymen kináli dep tanylyp, 11 jyl merzimge bas bostandyǵynan aıyrý jazasy taǵaıyndaldy. Sondaı-aq, Qazaqstan Respýblıkasy Qylmystyq kodeksiniń 49-babynyń 1-bóligine sáıkes ol polıtsııa polkovnıgi arnaýly ataǵynan aıyryldy» dep habarlady Taldyqorǵan qalalyq sotynyń baspasóz qyzmeti.
Úkim zańdy kúshine engen joq.
Buǵan deıin prokýror sottan ony 12 jylǵa bas bostandyǵyna aıyrýdy suraǵan edi.
Eske salaıyq, byltyr qarashada Taldyqorǵan polıtsııasynyń basshysy Marat Kúshtibaev qyz zorlady degen kúdikpen ustalǵan bolatyn.
Málimetke sensek, qylmys onyń kabınetinde bolǵan.
Aqpan aıynyń sońynda Marat Kúshtibaevqa qatysty sot otyrysy bastalǵan edi.
Protsess jabyq rejımde ótti.
Naýryz aıynda Marat Kúshtibaevtyń densaýlyǵy syr berip, sot zalynan aýrýhanaǵa alyp ketti.