Taldyqorǵan – Óskemen baǵytyndaǵy jol bıyl tolyq qoldanysqa beriledi
11:23, 09 Shilde 2024
<p>ASTANA. KAZINFORM – Úkimet otyrysynda Kólik mınıstri Marat Qarabaev «Taldyqorǵan – Óskemen» baǵytyndaǵy joldyń bıyl tolyq qoldanysqa beriletinin aıtty.</p>
«Taldyqorǵan – Óskemen» avtojolynyń uzyndyǵy - 768 shaqyrym. Búgingi kúni 751 shaqyrymynda asfalttyń tómengi qabaty tóselgen bolsa, ústińgi qabattyń 391 shaqyrymy tóselgen. Ýchaskege 700-den astam jol tehnıkasy, 1 myńnan astam qyzmetker jumyldyrylǵan», - dedi ol.
Mınıstr shilde aıynda Jetisý oblysynda uzyndyǵy 91 shaqyrym bolatyn 2 ýchaske paıdalanýǵa beriletinin aıtty..
«Joba boıynsha jumystyń qalǵan kólemi Abaı oblysy Aıagóz qalasynyń aınalmaly jolynda júrgizilip jatyr. Jalpy jyldyń sońyna deıin jumystardyń bári aıaqtalyp, tapsyrylady», - dedi Marat Qarabaev.